Ferizaj.06.05.2017. Këtë të shtunë, në Prelez të Ferizajt është përkujtuar Dëshmori Liman Rekaj dhe është shënuar dita e shkollës.
Me një program të përgatitur nga nxënësit e shkollës në Prelez të Ferizajt është përkujtuar Dëshmori Liman Rekaj dhe është shënuar dita e shkollës në këtë fshat që mban emrin e dëshmorit.
Të pranishëm në këtë manifestim ishin familjarë të dëshmorit, drejtues të qeverisë lokale të Ferizaj, bashkëluftëtare të dëshmorit dhe mysafirë të tjerë.
Mysafirëve me një fjalë rasti i ka përshëndetur, kryesuesi i Kuvendit të Ferizajt, Faruk Guri, i cili është shprehur se si pushtet lokal do të bëjnë gjithçka që është e mundur që t’ju dilet në ndihmë shkollave të qytetit, për çka do që ato kanë nevojë, në mënyrë që edhe sukseset e nxënësve të mos mungojnë.
Ndërsa, drejtori e kësaj shkolle Hyzri Zymberi, ka folur për sukseset e arritura të nxënësve të kësaj shkolle, por edhe për problemet dhe vështirësitë me të cilat po përballen.
Në fund është shfaqur edhe një program i pasur kulturo-artistik, ndërsa janë vendosur kurora të freskta me lule tek busti i dëshmorit Liman Rekaj.
