Unioni i Studentëve të Kosovës, ka marrë përgjigje pozitive nga këshilli drejtues i UP’së për vendosjen e një memoriali për studentët e vrarë gjatë luftës së fundit në Kosovë.
Pasi që kërkesa e tyre është aprovuar nga UP’ja, këta studentë do të kërkojnë leje nga Komuna e Prishtinës që ndërtimi i memoralit të bëhet Kampusin e Universitetit të Prishtinës, shkruan Gazeta Express.
“Pas kërkesës së Unionit të Studentëve të Kosovës, drejtuar Këshillit Drejtues dhe Rektorit të Universitetit të Prishtinës. Për vendosjen e Memorialit për Studentët e vrarë gjatë luftës së fundit në Kosovë.
Këshilli Drejtues ka marrë vendim për mbështetjen e iniciativës së USK-së!
Në ditët në vazhdim do të formohet një komision i cili do të merret me caktimin e vendit se ku do të vendoset ky memorial dhe si do te duket.
Si dhe do të kërkojmë edhe nga Komuna e Prishtinës që të jep leje për nderimin e memorialit përkujtimor në Kampusin e Universitetit të Prishtinës”, thuhet në komunikatën drejtuar mediave./Gazeta Express
