Ferizaj.25.01.2018. Drejtoria e Shëndetësisë dhe Mirëqenies Sociale gjatë ditës së djeshme ka ndihmuar dy familje në fshatin Burrnik, përkatësisht familjen e Shaip Veliut dhe familjen e Sinan Veliut.
Këto dy familje janë mbështetur me artikuj ushqimor dhe higjienik, ngase këto familje pas të reshurave të fundit të borës janë izoluar në këtë fshat të thellë malor. Drejtues të kësaj drejtorie kanë bërë të ditur se këto familje sipas nevojës dhe mundësisë që ka Komuna e Ferizajt do të ndihmohen, pa anashkaluar edhe rastet tjera me kushte jo të mira ekonomiko-sociale.
Drejtoria e Shëndetësisë dhe Mirëqenies Sociale është e vendosur që me gjithë kapacitetet e saj të ofroj një kujdes social të shtuar ndaj grupeve në nevojë, familjeve me kushte të rënda ekonomiko-sociale me mbështetje direkte varësisht nga mundësitë që ka institucioni i Komunës. Gjithashtu, DSHMS falënderon donatorët vullnetmirë për ndihmën e ofruar familjeve në nevojë.
