Policia e Kosovës njofton se rruga rajonale Shtërpcë- Prevallë, nga ora 11:30 do të jetë e mbyllur për qarkullimin e automjeteve, kjo për arsye të protestës së paralajmëruar që do të mbahet në Shtërpcë, nga ora 12:00.
“Ju njoftojmë se rruga rajonale Shtërpcë- Prevallë, nga ora 11:30 do të jetë e mbyllur për qarkullimin e automjeteve, deri në një njoftim tjetër, kjo për arsye të protestës së paralajmëruar që do të mbahet në Shtërpcë, nga ora 12:00”, thuhet në njoftimin e Policisë së Kosovës.
Bëhet e ditur se rruga do të jetë e mbyllur nga fshati Drajkovc i komunës së Shtërpcës deri në Brezovicë.
Policia gjithashtu paralajmëron se sapo të përfundon protesta qytetarët do të lajmërojë me kohë.
Kurse në rrugën nga Gjilani për në Shtërpcë, serbët në mënyrë të organizuar po shkojnë në protestë në Shtërpcë dhe radhët e automjeteve janë të gjata.
