Agjencia e Ushqimit dhe Veterinarisë ka vendosur masë ndalese të përkohshme për importin e kafshëve të gjalla të llojit gjedhe, dele, dhi dhe derra nga i gjithë territori i Republikës së Serbisë për në Kosov.
Kështu ka bërë të ditur AUVK, teksa thekson se një gjë e tillë ka ndodhur për shkak të shpërthimit të sëmundjeve Gjuha e kaltër dhe Murtaja Afrikane e Derrit.
Tutje shton se kjo sëmundje shkaktohet nga virusi i sëmundjes së derrit (ASFV) dhe është e njohur për rezistencën dhe ngordhshmërinë e lartë tek derrat.
“Ndalohet importi i kafshëve të gjalla (produkteve të derrit) nga Serbia për shkak të shpërthimit të sëmundjeve Gjuha e kaltër dhe Murtaja Afrikane e Derrit. Pas njoftimeve të publikuara në sistemin ADIS dhe WAHIS për konfirmim të shpërthimit të sëmundjes Gjuha e Kaltër – BT dhe Murtaja Afrikane e derrit – ASF në shtetin e Serbisë, me qellim parandalimi të përhapjes se sëmundjeve në vendin tonë, Agjencia e Ushqimit dhe Veterinarisë ka vendosur masë ndalese të përkohshme për importin e kafshëve të gjalla të llojit gjedhe, dele, dhi dhe derra (produkteve të derrit) nga i gjithë territori i Republikës së Serbisë”, njofton kjo Agjenci
