Sot, më 12 gusht, shënohet Dita Ndërkombëtare e Rinisë. Gjatë tërë muajit, Ministria e Kulturës, Rinisë dhe Sportit ka planifikuar aktivitete me qëllim të fuqizimit, integrimit, e përmirësimit të mirëqenies së rinisë.
“Të rinjtë tanë do ta kenë mundësinë të marrin pjesë në bashkëbisedime mes të rinjve, shfaqje të ndryshme, ekspozita e punëtori, mbrëmje poetike, tryeza diskutimesh, aktivitete sportive e rekreative që do t’u japin mundësi t’i shprehin idetë e tyre e të diskutojnë mbi çështjet dhe sfidat me të cilat përballen në përditshmëri”, thuhet në shkrimin e Ministrisë së Kulturës, Rinisë dhe Sportit
Sektori i Rinisë pranë Drejtorisë për Kulturë, Rini dhe Sport në Ditën Ndërkombëtarë të Rinisë 12 gusht, uron gjithë të rinjtë e Komunës së Ferizajt dhe i fton në aktivitetet e datës 19 gusht sipas agjendës të Muaji i Rinisë.
