Në kuvendin e X-të të Forumit Rinor të LDK-së në Ferizaj u zgjodh kryetare Miranda Xhokli
Nga një proces shumë i suksesshëm i zgjedhjeve në Forumin Rinor të LDK-së në nëndegët e degës së Ferizaj, sot, u mbajt kuvendi zgjedhor i kësaj dege. Kuvend ka zgjedh Miranda Xhoklin për kryetare të këtij Forumi, kryesinë si dhe delegatët.
Punimet e këtij kuvendi, i ka përshëndetur kryetari i degës së LDK-së në Ferizajt , njëherit dhe kryetar komune, z. Muharrem Sfarqa,i cili u ka uruar punë të mbarë të zgjedhurve dhe i ftoi për bashkëpunim të ngushtë në të gjitha proceset vendimmarrëse. Gjithashtu punimet e këtij kuvendi i ka përshëndetur edhe kryetari i degës së LDK-së në Mitrovicë,z. Safet Kamberi. Ndërsa, e sapo zgjedhura Miranda Xhokli, falënderoi të gjithë të pranishmit për përkrahjen e dhënë duke i ftuar për bashkëpunim në proceset demokratike dhe organizative të këtij subjekti politik.
