Gjate ditës së sotme Ministri i Kulturës, Rinisë dhe Sportit Hajrulla Çeku, bashke me drejtoren e Kulturës, Rinisë dhe Sportit Xhemile Murati-Shabani, jane takuar me komunitetin artistik në teatrin “Adriana” në Ferizaj.
Përgjatë dy orësh u diskutua për mënyrën e funksionimit sa më të mirë të artit dhe kulturës në vend.
U fol për ndryshimin e ligjit dhe udhëzimeve, ndërtimin e një partneriteti strategjik mes ministrisë dhe skenës së pavarur kulturore, statusin e teatrove dhe mbështetjen e tyre të qëndrueshme.
Po ashtu u fol për çështjen e politikave kulturore për botimin e librave, krijimin e orkestrës simfonike të qytetit, pagat e artistëve dhe instrumentistëve, funksionalizimi i baletit, forcimi i komisioneve vlerësuese për projektet që aplikohet për subvencionim, rritja e monitorimit për mbarëvajtjen e projekteve që subvencionohen duke ashpërsuar monitorimin.
Tema tjera ishin krijimi i artit për publikun, duke rritur dhe zhvilluar audiencën, rritja e fondit për diversitet kulturor si dhe kalendari vjetor i artit për Ferizajn.
