Mediat serbe gjithmonë janë aktive në shkrimet e tyre kur bëhet fjalë për performancat e shqiptarëve nëpër botë.
Kësaj radhe, Era Istrefi ka shokuar, dhe madje edhe titulli i serbes Blic është i tillë.
“Shqiptarja shokon. Këndoi në Kishën Serbe, tash këndon në Botëror’ është titulli i tekstit që sjellë performancën e Erës në finalen e Kampionatit Botëror që sonte u fitua nga Franca.
“Era para disa vitesh xhiroi një videoklip në një prej Kishave Serbe në Kosovë. Megjithatë, performance e saj sot në Rusi nuk është aq provokative” ka shkruar Blic.rs
Era sonte e hapi finalen e Kampionatit Botëror derisa kënga e saj në bashkëpunim me Will Smith dhe Nicky Jam ishte kënga zyrtare e këtij Kampionati, e cila u dëgjua e u bë hit për disa muaj nëpër tërë botën.
