Në orët e mbrëmjes është bërë e ditur se është gjetur Audi A6 i vjedhur dy ditë më parë në Prelez të Ferizajt.
Lajmin e ka bërë të ditur për Ferizajpress vetë pronari I makinës.
“Falë lajmit të publikuar nga ju dhe shpërndarjes së shumë qytetarëve në mbrëmje jemi njoftuar se është gjetur makina në hyrje të Mitrovicës. Makina momentalisht gjendet në polici për ekzaminim dhe pritet që nesër ta marrim” ka thënë pronari i makinës.
Kjo makinë ishte vjedhur në 17 Dhjetor rreth orës 3:00 të mëngjesit në oborrin e shtëpinë në fshatin Prelez të Ferizajt.
Pronarët falënderojnë qytetarët që me të parë makinën e cila ishte publikuar si e vjedhur lajmëruan policinë dhe tash pritet tu kthehet pronarëve.
