Ministri i Punëve të Brendshme, Ekrem Mustafa ka shpalosur planin operativ për parandalimin e aksidenteve
Aksidentet në komunikacion vazhdojnë të marrin jetë njerëzish.
Rrokullisjet e veturave vazhduan edhe të hënën, ani se nuk pati viktima.
Bile sipas Policisë, vetëm gjatë 24 orëve të fundit janë shkaktuar 25 aksidente.
E për parandalimin e tyre Policia ka një plan.
Këtë e ka shpalosur për herë të parë për T7, ministri i Punëve të Brendshme Ekrem Mustafa.
Kreu i MPB-së thotë se ja ka dërguar edhe një raport kryeministrit Ramush Haradinaj, për aksidentet e shpeshta pasi ky i fundit ia kishte kërkuar një gjë të tillë muajin e kaluar.
Mustafa thotë se gjatë këtij viti janë shqiptuar më shumë gjoba se vitin e kaluar nga Policia e trafikut.
Po ashtu Mustafa ka folur edhe grabitjen e bankës TEB të dielën e ku grabitësit kishin përdorur edhe eksploziv, thotë se organet e rendit po punojnë intenzivishtë për ti kapur hajnat.
I pari MPB-së ka siguruar se do ta bëjnë të pamundurën për t’i siguruar institucionet financiare të operojnë lirshëm.
