Provimit shtetëror të maturës në këtë afat do t’i nënshtrohen rreth 6 mijë maturantë, njofton Klankosova.
Sipas kryetarit të Këshillit Shtetëror të Maturës, Azem Gurit, si në afatin e parë ashtu edhe tani, administrimi i këtij procesi do të jetë i njëjtë.
Koordinatorët dhe administratorët do të duhet të kujdesen me përgjegjësi të plotë që të mos ketë manipulime e keqpërdorime.
Maturantët të cilët nuk e kanë paraqitur provimin deri më 23 gusht nuk do të mund të hyjnë në test.
Ndërsa ata që i nënshtrohen testimit, rezultatin do ta mësojnë më 7 shtator.
