Në kuadër të masave të reja anti-COVID-19 të marra sot me vendim të Qeverisë, është vendosur edhe për teatrot, bibliotekat dhe garat sportive.
Sipas vendimit të Qeverisë, bibliotekat, muzetë, kinematë, teatrot, koncertet e filharmonisë, operës, baletit, orkestrat, ansamblet, qendrat rinore, qendrat e kulturës, lejohet të punojnë duke shfrytëzuar 50% të kapacitetit të hapësirës, me kusht që publiku të jenë të ulur në karrigë, si dhe obligohet mbajtja e maskës dhe distancës fizike prej 1 metër.
Ndërsa tek sporti, lejohet organizimi i garave sportive dhe stërvitjeve, sipas protokollit dhe rekomandimeve nga organizatat botërore për organizimin e ngjarjeve sportive dhe me masat e mbrojtëse të Qeverisë.
Numri i pjesëmarrësve në garë përcaktohet nga federatat sportive, duke repsketuar masën e distancës dhe masat tjera mbrojtëse.
Ndërsa sa i përket shikuesve, vendimi i Qeverisë thotë se në hapësirat e mbyllura lejohet prania e shikuesve deri në 10% të kapacitetit të objektit, duke respektuar distancën. Kurse në hapësirat e jashtme lejohet prania e shikuesve deri në 30% të kapacitetit, duke respektuar distancën 1.5 metra dhe masat e tjera mbrotjëse.
Për t`u futur shikuesit në aktivitetet sportive duhet të kenë dëshminë e vaksinimit ose të testit antigjen, jo më të vjetër se 48 orë.
Gjithashtu, sipas vendimit të Qeverisë, është lejuar edhe shfrytëzimi i fitneseve, palestrave, por që stafi dhe klientët duhet të kenë dëshminë e vaksinës apo të testit.
Shfrytëzimi i fitneseve dhe palestrave bëhet në proporcion 1 klient në 10m2.
