Ditën e djeshme, Lideri i Listës sē Ashkanlive nē Ferizaj Qazim Rahmani me bashkëpunëtor ka takuar Kryetarin e Komunës së Ferizajt z.Agim Aliu.
Nē këtë takim ata biseduan dhe u pajtuan që të jenë partnerë në bashkëqeverisjen Komunale 2021-2025.
“Lista e Ashkanlive ka një ulëse në Kuvendin e Komunës e cila ka fituar në zgjedhjet Lokale, kështu që Ashkanlitë do të jenë edhe pjesë e legjislativit dhe ekzekutivit komunal, andaj Ashkanlitë e Ferizajt do të përfaqësohen dhe do të angazhohen që jeta e tyre të përmirësohet sa më shumë, e sidomos në fushën ekonomike e sociale. Me respekt Lista e Ashkanlive Ferizaj” ka shkruar Qazim Rrahmani.
Në kuadër të bashkëqeverisjes, pritet që nga kjo listë të jetë edhe Nënkryetari i dytë i Ferizajt.
