Legjenda e futbollit, z. Brian Deane, me anë të një video mesazhi ka përshëndetur dhe i ka uruar suksese në garën për të parin e Ferizajt, z. Agim Aliut.
Brian Deane është legjendë e futbollit anglez dhe më gjërë, njëherit është investitor i fuqishëm në infrastrukturë dhe promoter i sportit gjithandej Europës.
Z. Deane edhe më heret gjatë muajit qershor ishte në Ferizaj ku u takua me mikun e tij, z. Agim Aliu, takim ky në të cilin z. Deane e shfrytëzoi për tu informuar më shumë në lidhje me ecuritë sportive dhe investimet në infrastrukturën sportive në Kosovë, e në veçanti në Ferizaj.
Gjithashtu z. Deane, u zotua se me ardhjen e z. Aliut në pushtet, ai dhe kompania e tij do të angazhohen për promovimin e sportit ferizajas si dhe për infrastrukturën sportive në Ferizaj.
