Ferizajasi Leard Sadriu, do të jetë përkrah bashkëlojtarëve të tij në dy sfidat që kombëtarja U 21 i zhvillon kundër Austrisë dhe Andorrës.Siç duket, ky lojtar i talentuar që i mbron ngjyrat e KF Shkëndija nga Tetova,në nje konkurencë të fortë e ka fituar tashmë besimin e selektorit Rafet Prekazi, për të qenë në top 11 e parë të reprezentacionit U21.
Listen e lojtarëve selektori Prekazi e ka publikuar me 2 tetot, ndërsa këto dy ndeshje do të zhvillohen me 9 e 13 tetor në stadiumin “Fadil Vokrri” në Prishtinë. Në këtë listë spikasin emrat e Edi Sylisufajt, Alban Ajdinit, David Nreca-Besinger dhe Shaban Kuqukut, që grumbullohen për herë të parë me Dardanët e rinj, teksa rikthehet pas disa ndeshjeve mungesë edhe Arton Zekaj. Dardanët e rinj janë grumbulluar sot , derisa stërvitjen e parë e mbajnë po sot në stadiumin “Rexhep Rexhepi” në Drenas, në orën 15:00.
