Ky është vendimi i fundit i Florentino Perezit për Luka Modricin

Mesfushori kroat është i destinuar të mbetet te Real Madrid edhe pas këtij afati kalimtar.
‘SkySports’ raporton se kanë qenë të pasuksesshme bisedimet e ditës së sotme mes Real Madridit dhe përfaqësueseve të lojtarit.
Edhe pse kërkesa e Modric ka qenë e qartë, ku kërkonte lejen për t’u larguar drejt Interit, Florentino Perez ka mbajtur qëndrimin e tij, duke e konsideruar si të paprekshëm 32 vjeçarin.
Perez nuk është i gatshëm të heq dorë nga një tjetër lojtar i rëndësishëm pas largimit të Ronaldos, sidomos pas humbjes së fundit në Superkupën e Evropës nga Atletico Madrid me rezultat 4:2.
Qëndrimi i Perez bën që Interi të mos mund ta përfundojë afatin kalimtar me një “qershi mbi tortë”, duke finalizuar një nga transferimet më të mëdha viteve të fundit./Lajmi.net/