Kryesuesi i Kuvendit të Komunës së Ferizajt, Xhavit Zariqi, këtë të martë ka mbajtur mbledhjen e parë të rregullt të kuvendit.
Në këtë mbledhje është emëruar nënkryetari nga radhët e komuniteteve Danush Ademi.
Poashtu janë zgjedhur edhe anëtarët e Komitetit për Politike dhe Financa, ku nga radhët e Partia Demokratike e Kosovës do të jenë këta anëtarë: Arian Imeri, Lumnije Morina, Mimoza Pajaziti si dhe Lulzim Abazi, nga radhët e radhët e Lëvizjes Vetëvendosje Adnan Selmani dhe Yllka Neziri, nga Lidhja Demokratike e Kosovës anëtarë i KPF-së do të jetë Ismet Vranovci si dhe nga Aleanca për Ardhmërinë e Kosovës, do të jetë Hatixhe Bungu-Qerimi.
Ndërkaq në Komitetin për Komuniteti, do të jenë 5 anëtarë nga komunitete, ndërsa nga Partia Demokratike e Kosovës anëtarë të këtij komiteti do të jenë Flora Islami dhe Flora Abdullahu, Lëvizja Vetëvendosje do të ketë një anëtarë i cili pritet të caktohen në mbledhjen e radhës, ndërkaq nga Lidhja Demokratike e Kosovës do të jetë Jehona Mustafa.
Në këtë mbledhje drejtori i drejtorisë së Bujqësisë Burim Bajrami ka bërë propozim-vendimin për shpërndarjen e druve të zjarrit për familjet skamnore. Sipas tij, do të shpërndahen një sasi prej 130.0 metër hapësinorë e masës drusore të konfiskuara nga Drejtoria e Bujqësisë dhe Pylltarisë. Për këto familje do të shpërndahen nga 2 metra kub dru ta zjarrit.
Këtë propozim e ka përkrahur Flora Islami nga Partia Demokratike e Kosovës, e cila ka përgëzuar Komunën e Ferizajt, që po ju del në ndihmë këtyre familje në këtë kohë pandemie.
Ndërkaq, Pakize Bujani anëtarë e kuvendit, ka kërkuar nga drejtori që një pjesë e këtyre druve të shpërndahet edhe për familjet me nevojë nga komunitetet pakicë në Komunën e Ferizajt.
Drejtoria e Drejtorisë së Financave Sebahate Ajeti-Sadiku, para kuvendareve ka raportuar edhe raportin financiar për periudhën janar-shtator të këtij vitit. Sipas saj, gjatë kësaj periudhe janë inkasuar gjithsejte të hyra vetanake në vlere 4,687,595.02 euro e cila vlere në krahasim me vitin e kaluar ka një rritje prej 79.73 %, ndërsa krahasuar me planin janë realizuar 105.47 %.
Ndërsa drejtori i Pronës, Gjeodezisë dhe Kadastrit Sabri Murseli, ka bërë propozim-vendimin për dhënien në shfrytëzim afatgjatë të pjesës së ngastrës kadastrale 620-2 të zonës kadastrale në Babushin e Ri me sipërfaqe prej 20 metra katror. Poashtu u bë edhe propozim vendimi për publikimin e listës së pronave të komunës për dhënien në shfrytëzim për vitin 2022.
Në këtë mbledhje është caktuar edhe orari i mbledhjeve të Kuvendit të Komunës për vitin 2022.
