Nuk është diskutuar asnjëherë që të hyjmë në Qeveri para zgjedhjeve. Ndërsa, pas zgjedhjeve gjithçka mund të ndodhë. Pra është qëndrim i prerë i AAK-së, jo në Qeveri para zgjedhjeve, është shprehur në emisionin “Kontakt” në Tribuna Channel, Blerim Kuçi, sekretar i përgjithshëm i AAK-së.
“Pas zgjedhjeve, nuk kemi vija të kuqe me asnjë parti politike në Kosovë”, ka thënë ai duke shtuar se zgjedhjet janë e vetmja mundësi që vendi të dalë nga kjo krizë.
Duke folur për demarkacionin me Malin e Zi ai tha se na është forcuar kauza pas vendimit të ekspertëve ndërkombëtar.
“Presidentja ndonëse në fund të mandatit të saj ajo nuk e ka futur në komision asnjë ekspert vendor, ku kemi plotë të tillë. Komisioni i huaj asnjë vlerësim nuk e dha për faktet që ja kanë dhënë ekspertët vendor”, ka shtuar ndër të tjera Kuçi.
I pyetur se si do të reagojë AAK-ja në ditën kur do të inaugurohet presidenti Hashim Thaçi ai është shprehur se si opozitë e bashkuar nuk kanë marr ende asnjë vendim për këtë ngjarje.
Ai ka folur edhe për protestën e radhës, raportet mes liderëve opozitar, zgjedhjet e parakohshme si dhe për listën e përbashkët zgjedhore të opozitës.
[youtube https://www.youtube.com/watch?v=ZNdVatl5Qh8?feature=oembed]
