Kryetari i Gjykatës Themelore në Ferizaj Mustaf Tahiri, sot ka mbajtur kolegjium me gjyqtarët e Gjykatës Themelore në Ferizaj dhe Degët e saj.
Në takim kryetari Tahiri, ka prezantuar raportet individuale të gjyqtarëve dhe raportin e përgjithshëm të gjykatës, për periudhën e tremujorit të III-të, të vitit 2021.
Qëllimi i këtij takimi ishte diskutimi i rasteve të vjetra në Gjykatë dhe rritja e efikasitetit të punës së gjykatës në zgjidhjen e sa më shumë rasteve.
Kryetari Tahiri, me këtë rast kërkoi nga gjyqtarët që të vazhdojnë procedimin e lëndëve në përgjithësi, e në veçanti që të procedohen lëndët e vjetra, në mënyrë që të rrisim efikasitetin në përfundimin e këtyre lëndëve dhe të arrihen rezultate pozitive edhe në të ardhmen.
