Kryetari i Ferizajt Muharrem Svarqa, i ka dërguar sot një telegram ngushëllimi familjes se Ilaz Ilazit, ne te cilin shkruan:
E nderuar familje Ilazi,
Sapo u ktheva nga një udhëtim zyrtar disaditësh jashtë Kosovës, me pikëllim të thellë mora lajmin për humbjen e të dashurit tuaj dhe personalitetit të çmuar ferizajas z. Ilaz Ilazi.
Ferizajasit do ta kujtojnë me respekt veprën e z. Ilaz Ilazi gjatë ushtrimit me sukses të shumë veprimtarive të rëndësishme shoqërore, politike dhe ekonomike. Ai ka lënë gjurmë të pashlyeshme në historinë e re të komunës sonë dhe më gjerë.
Shpreh bindjen se kujtimi për të do të jetojë gjatë në mendjen e ferizajasve, ndërsa familjes, të afërmve dhe miqve të z. Ilaz Ilazi, u shpreh ngushëllimet më të thella.
Muharrem Svarqa
Kryetar i Ferizajt
