Kryetari i Komunës së Pejës z.Gazmend Muhaxheri dhe Kryetari i Komunës së Gjakovës z.Ardian Gjini, kanë pritur në takime pune të ndara, delegacionin e Asociacionit të Komunave të Kosovës (AKK) me Kryetarin z.Agim Aliun dhe Drejtorin Ekzekutiv z.Sazan Ibrahimi.
Në këto takime u bisedua për aktivitetet e AKK-së në përkrahje komunave dhe projektet e ndryshme të zhvilluara nga Asociacioni në shërbim të Komunave të Kosovës.
Temat kryesore të takimeve ishin Granti i Katërt për Komunat, problemet e Komunave në zbatim të Kontratave Kolektive, Ligji për prokurim publik etj.
Poashtu në këto takime janë biseduar edhe për preokupimet e pushtetit lokal dhe iniciativave tjera ligjore në nivelin qendror e të cilat afektojnë në punën e Komunave.
Temë e këtyre takimeve të ndara ishte edhe koordinimi i pushtetit lokal me nivelin qendror për të bashkërenduar aktivitetet mes dy niveleve të qeverisjes e në shërbim të qytetarëve tanë.
