Kryetari i Komunës së Ferizajt, Agim Aliu gjatë ditës së sotme, ka pritur në takim drejtuesit e Klubit të Xhudos “Kastrioti” në Ferizaj, me ç’rast siguroi se në këtë mandat qeverisës, përkrahje të fuqishme do të ketë edhe sporti i xhudos.
Kryetari Aliu, mysafirët i njoftoi për planet komunale dhe vizionin e tij për zhvillimin e sportit si dhe përfshirjen sa më të madhe të të rinjve në këto projekte, me theks të veçantë implementimin e projektit të ligës shkollore të sportit.
Në anën tjetër, drejtuesit e Klubit të Xhudos “Kastrioti” uruan kryetarin Aliu për mandatin qeverisës dhe ofruan bashkëpunimin e tyre për zhvillimin dhe avancimin e mëtejmë të sportit në nivel lokal, me këtë rast, kryetarit Aliu i dhuruan një trofe nga ky klub.
