Ferizaj.26.12.2017. Gjatë ditës së martë, kryetari i Komunës së Ferizajt, Agim Aliu, i shoqëruar edhe nga nënkryetari Naim Ferati, kanë mbajtur mbledhjen e parë të bordit të drejtorëve.
Me këtë rast kryetari, Aliu, ka ndarë edhe përgjegjësitë e punë për secilin drejtor, duke thënë se në këtë mënyrë secili duhet të përfundojë edhe punën e tij, në nivelin sa më të kënaqshëm dhe rezultatet e punës nuk do të mungojnë.
U bë e ditur se mbledhjet e bordit do të jenë të rregullta dhe do të diskutojë secili drejtor për dikasterin që ata drejtojnë.
