Për 50 minuta pa ndërprerje ka përshkuar 7 kilometër e 100 metër brenda rrugëve të Shkodrës duke xhungluar topin me kokë ndërsa makina ishte në lëvizje.
Kështu shqiptari nga Kosova Agim Agushi zgjodhi të thyejë rekordin botëror, duke promovuar edhe bukuritë e kryeqendrës së veriut, Shkodrës.
Pjesa më e vështirë e këtij rekordi ishte kalimi në zonën muzeale të qytetit, ndërsa finalizimi i këtyre 7.1 kilometrave, aq sa për tu thyer rekordi që mbante Turqia u bë në sheshin përpara bashkisë së Shkodrës.
Në shenjë falënderimi për kampionin nga Kosova, qytetarja e parë e Shkodrës Voltana Ademi i rezervoi një pritje zyrtare në hollin e institucionit që drejton.
Tashmë edhe Shkodra është bërë pjesë e librit të rekordeve botërore të xhunglimit të topit me kokë, ndërsa automjeti është në lëvizje. Një privilegj ky që ju dhurua nga kosovari Agim Agushi.
