“QASJE 2 ” zuri vend në ambientet e Amfiteatrit të Madh të Universitetit të Prishtinës
Datat 27 dhe 28 tetor 2017 bënë bashkë rreth 150 studentë dhe profesionistë të shkencave juridike dhe ekonomike si dhe u prezantuan 17 punime që patën qëllim parësor kontribuimin në shkrimin akademik në shkencat e lartpërmendura.
Ky Kongres u organizua nga Qendra për Avancimin e Studimeve Juridike dhe Ekonomike (QASJE) dhe u mbështet nga Universiteti i Prishtinës dhe Ministria e Arsimit, Shkencës dhe Teknologjisë.
I pranishëm në ceremoninë hapëse të këtij Kongresi ishte Ministri i Arsimit, Shkencës dhe Teknologjisë, dhe rektori Majram Dema i cili e konsideroj këtë si një iniciativë shembullore. “Uroj që kjo iniciativë të jetë e vazhdueshme, që të mbledh sa më shpesh studentët e zellshëm në debate të tilla kërkimore dhe shkencore”.
Në mes të shumë profesorëve, personaliteteve të pranishëm në ceremoninë hapëse ishin edhe Agron Bajraktari , Rektor i Universitetit të Shkencave të Aplikura në Ferizaj dhe Kryetri i rinise ferizajase (KVRL) Nuhi Çerkini .
Në anën tjetër, drejtori ekzekutiv i QASJE-s, Adonis Sinidolli tha qe është jashtëzakonisht i kënaqur me Kongresin dhe më shumë me nivelin e lartë të diskutimit që u zhvillua brenda këtyre dy ditëve. “Ndonëse ishin planifikuar nga 15 minuta diskutim për secilin panel të prezantimeve, ishte e pamundur të mbahej debati në vetëm ata minuta. Debatet zgjatshin deri në 40 minuta dhe atë nën presion të kohës. “
