Komuna e Ferizajt tashmë ka realizuar një projekt strategjik duke vendosur katër ushqyese të cilat janë në të mirë të ushqyerit e kafshëve të egra, ushqyerje kjo që ndikon në mirëqenien e njerëzve dhe sigurimin e ushqimit për kafshët në mënyrë që ato të mos dëmtojnë bagëtinë dhe të mbjellat.
“Në gjithë territorin e Republikës së Kosovës, edhe në territorin e Komunës së Ferizajt ekzistojnë kafshë të egra, e mund të them se ekzistojnë një numër I madh I kafshëve të egra, duke përfshirë këtu edhe ariun, ujqit, drerët, derrat e egër dhe lepujt. Ne si Drejtori e Bujqësisë dhe Pylltarisë kemi pasur interesim të jashtëzakonshëm që kjo pjesë e gjallesave të ketë mbrojtje nga ana e Drejtorisë dhe me këtë rast, në bazë të ligjeve të aplikueshme në Kosovë, ne kemi bërë një shpallje publike për dhënien në menaxhim të vendgjuetive në komunën tonë me qëllim që këto vendgjueti dhe ky fond I kafshëve të menaxhohet nga një shoqatë apo organizatë joqeveritare të ruhet fondi I kafshëve të egra. Ne I kemi përfunduar të gjitha procedurat, kemi bërë regjistrimin e kafshëve që gjenden Brenda territorit të komunës sonë dhe kemi dhënë në menaxhim vendgjuetinë shoqatës së vetme në komunën tonë, “Shoqatës Shqiponja” e cila po vazhdon të menaxhoi vendgjuetinë. Kjo shoqatë , në bazë të kontratës është e obliguar që të monitoroi edhe gjuetinë ilegale , nëse haset në terren dhe të ruajnë fondin e kafshëve të egra Brenda territorit të komunës së Ferizajt” ka thënë Burim Bajrami, Drejtor i Drejtorisë për Bujqësi dhe Pylltari.
Komuna e Ferizajt këtë furnizim me ushqim po e realizon në bashkëpunim me klubin e gjahtarëve “Shqiponja”
Drejtori Bajrami tha se kanë gjetur bashkëpunim dhe tashmë furnizimi është duke shkuar në rregull.
“Derisa shoqata është e obliguar që të mos ketë gjueti ilegale, ata janë të obliguar që të shpërndajnë edhe ushqim kophë pas kohe, ashtu që këto temperature të ulëta dhe bora e ditëve të fundit të mos u shkaktoj problem shëndetësore kafshëve të egra dhe të mos kenë mungesë të ushqimit. Por shpesh këtë po e shfrytëzojnë keqbërësit të cilët pasi shpërndahet ushqimi , ata vendosin prita dhe dëmtojnë kafshët. Kjo po na shkakton telashe të vazhdueshme me gjuetinë ilegale, për çka edhe kemi formuar një komision që në mënyrë të vazhdueshme bënë kontrollimin nëpër terrene, me të vetmin qëllim që ta mbrojmë këtë fond të kafshëve të egra dhe tu pamundësojmë gjahtarëve ilegal që të zhvillojnë veprimtarinë e tyre. Ne poashtu edhe përmes shoqatës “Shqiponja” bëjmë trusni të vazhdueshme që ata të vazhdojnë që me rojet e tyre të jenë në teren dhe të mos lejojnë që ky fond të dëmtohet . Jemi të interesuar që këtë fond ta ruajmë, ta kultivojmë dhe ta rritim” ka thënë Bajrami.
Këtë praktikë të shpërndarjes së ushqimit Drejtori Bajrami e arsyeton se kjo i zvogëlon edhe dëmet që i shkaktojnë kafshët e egra, sidomos të ariut dhe ujqve.
Bajrami tha se dëme nga këto kafshë ka pasur viteve të kaluar por që ky projekt mundëson që këto dëme të zvogëlohen. Gjithashtu Bajrami ka bërë apel që të respektohen ligjet e gjuetisë dhe të ruhen kafshën e mbrojtura me ligj, transmeton Tv Liria
