Ferizaj.29.12.2017. Gjatë paradites së sotme, kryetari i Komunës së Ferizajt, Agim Aliu, i shoqëruar edhe nga drejtori i arsimit Bashkim Hyseni dhe drejtori i bujqësisë Burim Bajrami, ka pritur në një takim kryesinë e Organizatës së Veteranëve të Luftës së Ushtrisë Çlirimtare të Kosovës.
Me këtë rast kryetari Aliu, është shprehur se do të bashkëpunojë ngushte me këtë kategori, por edhe me kategoritë tjera të dala nga lufta e UÇK-së.
E nga ana tjetër Rafiz Sejdiu, kryetar i OVL-së së UCK-së Rafiz Sejdiu së bashku me kryesinë e ti e ka uruar kryetarin Aliu, për detyrën e re, duke thënë se kjo organizate do ti ofrojë bashkëpunim edhe në realizmin e shumë projekteve që kanë të bëjnë me kategoritë e dala nga lufta.
Ishte ky takimi i parë i këtij lloji mes kryetarit Aliu dhe Organizatës së Veteranëve të Luftës së Ushtrisë Çlirimtare të Kosovës.
