Volejbolli ferizajas po shënon suksese domethënëse e kjo së fundmi u kurorëzua edhe me fitoren e Klubit të Volejbollit “Ferizaj” (femrat), të cilat u shpallën Kampione në Superligën B, duke kaluar tashmë në ligën elitare të volejbollit të Kosovës.
“Me këtë motiv dhe urim, po kështu edhe me rastin e 10 vjetorit të themelimit të klubit, mirëprita vashat volejbolliste të këtij klubi, bashkë me trajnerët Arta Ramadani- Luzha e Gazmend Vranovci, për t’i përgëzuar e ofruar mbështetjen tonë të plotë në rrugëtimin e tyre sportiv” ka uruar volejbollistet kryetari i Ferizajt, Agim Aliu.
