Me dhembje e pikëllim, morëm lajmin për ndarjen nga jeta të veteranit të Ushtrisë Çlirimtare të Kosovës, ndërmarrësit të suksesshëm, bashkëqytetarit tonë, Muhamet Karalija.
Me këtë rast, Kryetari i Komunës së Ferizajt, Agim Aliu përmes telegramit i shpreh ngushëllime të sinqerta familjes Karalija, bashkëluftëtarëve, miqve e të njohurve të të ndjerit.
“Me dhembje e pikëllim, mora lajmin për ndarjen nga jeta të luftëtarit të lirisë, veteranit të Ushtrisë Çlirimtare të Kosovës, ndërmarrësit të suksesshëm e punëtorit të jashtëzakonshëm, bashkëqytetarit tonë, Muhamet Karalija. Vepra e kontributi i tij për lirinë e Kosovës, mbeten të skalitura përjetësisht, pa lënë anash veprimtarinë e tij ndërmarrëse që kontribuoi për zhvillim e mirëqenie. Ngushëllime të sinqerta familjes Karalija, bashkëluftëtarëve, miqve e të njohurve të të ndjerit! U prehtë në paqe, shpirti i tij!” mbyllet telegrami i ngushëllimit.
