Në kuadër të projektit “Komunat për të Rinjtë”, gjatë ditës së sotme nënkryetari i Komunës së Ferizajt Lulzim Aliu me bashkëpuntorët e tij, ka pritur në një takim informues koordinatoret e këtij programi, Florentina Hajdari Hajra – koordinatore M4Y, Mimoza Morina – monitoruese dhe vlerësuese e programit, Arlinda Koshi – specialiste e ngritjes së kapaciteteve si dhe Fatmire Berisha – koordinatore e Komponentit 1.
Ferizaj është përfituese në mesin e 10 komunave të tjera, program ky i financuar nga Qeveria e Japonisë, nëpërmjet mbështetjes së marrë nga Fondi i Zhvillimit Social të Japonisë, Ministria e Administrimit të Pushtetit Lokal si agjenci zbatuese dhe CDF si partner zbatues.
Gjatë takimit u diskutua rreth programit, mënyrës së aplikimit dhe mbështetjen institucionale që komuna do t’ju ofrojë të rinjëve aplikues dhe atyre që do të jenë përzgjedhës. Me këtë rast janë inkurajuar të gjithë ata që kanë ide inovative të aplikojnë duke hapur mundësi për ndryshime pozitive në shoqëri.
