Giuffredi ka theksuar që nuk preferon të bëjë lëvizje në janar, por sipas tij ofertat e mëdha si ajo e Unitedit, duhet të merren në konsideratë.
“Ai është në një periudhë të qetë. Ne e kemi rinovuar kontratën e tij. Pas një sezoni pozitiv, Elseidi ka nevojë për ta rritur edhe më shumë nivelin e edicionit të kaluar”, deklaroi Giuffredi për “Tuttomercatoweb”.
“Ai duhet të qëndrojë i qetë, mund të përmirësohet ende sepse vjen pas një viti ku ka luajtur 60 ndeshje së bashku me ekipin dhe Kombëtaren”, shtoi ai.
“Unë kurrë nuk preferoj të lëvizi futbollistë në janar, por kur ka oferta joshëse, ato duhet të merren në konsideratë. Manchester United? S’mund të them asgjë, një opsion shumë interesant. Nëse vjen oferta, ne do ta vlerësojmë atë”, theksoi Giuffredi.
.
