Partitë politike, po vazhdojnë tubimet për zgjedhjet parlamentare që do të mbahen me 14 shkurt.
Kryeministri në detyrë, njëherit kandidat për kryeministër nga LDK-ja, përmes një postimi të bërë në FB, ka qenë sot në Ferizaj ku është takuar me anëtarë e simpatizantë.
Ky është postimi i plotë i tij:
Në Ferizaj, ndryshe në qytetin e zhvillimit, u pritëm ngrohtësisht nga strukturat, anëtarët dhe simpatizantët e LDK-së.
LDK-ja, shtëpia jonë politike është dhe do të mbetet e bashkuar, pasi që kjo është nevojë për vendin, normalitetin dhe zhvillimin e tij.
Ky qytet i zhvilluar dhe i dalluar për shkathtësitë e njerëzve në të bërit biznes kërkon një stabilitet të qëndrueshëm dhe mbështetje të vazhdueshme, të cilin vetëm LDK-ja e ofron dhe e garanton.
