Kryeministri i Kosovës, Ramush Haradinaj ka ftuar në takim komunitetin e biznesit, në bashkëpunim me Odën Ekonomike të Kosovës, me qëllim të prezantimit të projekteve konkrete që do të paraqiten në takimin e radhës të BERZH-it.
Haradinaj para se të nisë ky takim, përmes një statusi në Facebook ka thënë se sot do të vendoset për financimin e rritjes së kapaciteteve të Ngrohtores së Qytetit të Prishtinës si dhe për financimin e projektit për furnizimin me ujë në Ferizaj, njofton Klan Kosova.
Më poshtë statusi i tij i plotë:
Kosova me ekonomi të qëndrueshme: Ngrohje për Prishtinën, ujë për Ferizajn
Nuk do të ndalem asnjë çast së punuari për zhvillimin ekonomik të vendit tonë!
– Sot, marrim vendime për programin e reformave në ekonomi.
– Do të vendosim për financimin e rritjes së kapaciteteve të Ngrohtores së Qytetit të Prishtinës me vlerë deri në 10 milionë euro. Kjo ndikon direkt në përmirësimin e cilësisë së ajrit.
– Financimi i projektit për furnizimin me ujë në Ferizaj!
– Do t’i takoj sot përfaqësuesit e bizneseve dhe Odën Ekonomike. Po bëhemi gati për Konferencën e BERZH-it në Londër, ku bizneset nga Kosova do të aplikojnë për projektet e mëdha.
