Policia e Kosovës dhe Dogana dje rreth orës 17:00 kanë kapur 14 emigrantë afganë në pikën kufitare në Han të Elezit.
Sipas njoftimit të Policisë, emigrantët janë gjetur në një kamion me targa vendore, ndërsa drejtues i tij ishte një shtetas i Shqipërisë.
Në kamion janë gjetur 6 fëmijë dhe 8 persona të moshës madhore, shtetas afganë.
“Në mesin e tyre edhe një grua të cilës iu është ofruar trajtim mjekësor. Në lidhje me rastin është konsultuar prokurori i shtetit, rasti vazhdon të hetohet”, ka bërë të ditur Policia.
