Presidenti i Republikës së Shqipërisë, Sh.T. Ilir Meta, ka dekoruar sot luftëtarin nga Tërpeza Hajrullah Murtezi- Têrpeza me dekoratën të lartë që jep shteti shqiptar “Kalorës i Urdhrit të Skënderbeut” me motivacion: “ Në vlerësim të kontributit të dhënë për qështjen kombëtare, si dhe pjesëmarrjen aktive në luftë kundër çetnikëve serbë, në mbrojtje të trojeve etnike shqiptare, duke u persekutuar familjarisht nga regjimi”.
Hajrullah Murtezi- Tërpeza ishte luftëtar i shquar në luftën kundër komunistëve dhe bandave çetnike gjatë dhe pas luftës së dytë. Më 1945, pas ripushtimit të Kosovës nga Jugosllavia titiste, migroi në Gjermani, por nuk u ndal asnjëher në aktivitetet për bashkimin e trojeve shqiptare.
Vdiq në rrethana të dyshimta më 1982 në Gjermani. Pas vetes ka lënë vajzën Lutfijen në Kosovë dhe djalin Nuredinin në Gjermani.
