“Kryeministri Mustafa për herë të parë viziton veriun e Republikës së Kosovës, në përurimin e urës e cila lidhë Zveçanin dhe Leposaviqin, e financuar 400 mijë euro nga NATO. Përkundër raportimeve të disa mediave, eskorta e kryeministrit ka arrit në cak pa kurrfarë problemi dhe është takuar me KFOR-in vetëm në vendin e ngjarjes”, ka thënë Gecaj, transmeton lajmi.net.
Megjithatë, kryeministri Mustafa nuk ka mundur të kalojë nëpër Rudare për të shkuar te vendi ku përurohej ura, pasi që serbët kishin bllokuar këtë aks rrugor.
Ai më pas ka zgjedhur rrugë dytësore që të arrijë atje.
Kjo vizitë e Mustafës i ka nervozuar shumë zyrtarët në Beograd dhe përfaqësuesit e serbëve në veri.
Për shkak të kësaj vizite, serbët e veriut kanë ndërprerë bashkëpunimin me KFOR-in.
Kjo është vizita e parë e një kryeministri të Kosovës ndonjëherë në këtë pjesë të veriut të Kosovës. /Lajmi.net/
.
