Ferizaj zuri vendin e dytë në rang republikan në Garën e Ecjes zhvilluar në kuadër të 4 Tetorit – Ditës Botërore të Ecjes, aktivitet ky i organizuar nga Komiteti Olimpik i Kosovës.
Lajmin e bëri të ditur drejtorja e Kulturës, Rinisë dhe Sportit, Xhemile Murati Shabani e cila tha se kjo garë dëshmoi përkushtimin e qytetarëve ferizajas për shëndetin, ecjen e me ç’rast falënderoi edhe sektorin e sportit, përgjegjësin e tij, Bashkim Haxhimusa e të tjerët brenda këtij sektori si dhe KOK-un për organizimin e kësaj gare.
