Në tre raste të ndara, pas legjitimimit, Policia e Kosovës ka gjetur tek tre persona sasi të caktuar narkotikësh, për të cilën arsye i ka arrestuar dhe më pas liruar në procedurë të rregullt
Tre persona janë arrestuar në qytetin e Ferizajt, në lokacione të ndryshme për posedim të paautorizuar dhe shitje narkotikësh.
Të tre të dyshuarit kanë rënë në pranga kur pas legjitimimit si procedurë e zakonshme u është gjetur në posedim sasi e caktuar marihuane.
Pas shoqërimit në stacion policor dhe intervistimit, me vendim të prokurorit të tre janë liruar në procedurë të rregullt, ndërsa rasti hetohet.
