Në galerinë e arteve në Ferizaj, sonte u hap ekspozita kolektive kushtuar 17 Shkurtit – Ditës së Pavarësisë së Kosovës.
Hapjen e kësaj ekspozite e bëri drejtori i Drejtorja e Kulturës, Rinisë dhe Sportit në Ferizaj, Xhemile Murati-Shabani. Ajo me këtë rast ka theksuar se hapja e kësaj ekspozite është një ngjarje tejet e rëndësishme që po bëhet në prag të shënimit të 14-vjetorit të Pavarësisë së Kosovës.
“Ekspozita tradicionale është ndër aktivitetet kryesore që organizon galeria e arteve. Dëshmorët duhet t’i kujtojmë edhe nëpermjet punimeve artistike, prandaj ky çmim po behet ne nder të një dëshmori, pa gjakun e të cilëve nuk do të mund të ishim ketu”, ka thënë drejtorja Murati-Shabani.
Ndërsa kryetari i e jurisë Haki Xhakli ka falënderuar të gjithë artistët që me punimet e tyre kanë kontribuar që kjo ekspozitë te jetë e një niveli të kënaqshëm.
Alije Sylejmani bashkëshortja e dëshmorit Gursel Sylejamanu, është shprehur tejet mirënjohëse për ndarjen e këtij çmimi tashmë tradicional i cili po ndahet në qytetin e Ferizajt.
Ndërkaq Muhamet Ahmeti fitues i çmimit Gursel Sylejmani, ka falënderuar të gjithë për përkrahjen e dhënë.
Jurinë profesionale për përzgjedhjen e punimeve e përbenin: Haki Xhakli – Kryetar, Naim Spahiu anëtarë dhe Agim Bujupi anëtarë.
