Ferizaj.25.01.2018 . Gjatë ditës së enjte, Kryetari i Komunës së Ferizajt, Agim Aliu, ka pritur në takim homologun e tij nga Kaçaniku Besim Ilazi shoqëruar edhe nga bashkëpunëtorët e tij. Kryetari Ilazi ka uruar Kryetarin e Komunës së Ferizajt Agim Aliun për mandatin qeverisës duke i uruar sukses dhe siguruar mbështetje në raportet ndërkomunale.
Komuna e Ferizajt dhe e Kaçanikut janë pjesë e pashmangshme e projekteve të përbashkëta për rajonin e Ferizajt. Në këtë pikë, krerët e dy komunave u zotuan se do të intensifikojnë bashkëpunimin për të arritur sa më shumë sukses në implementimin e planeve të tyre qeverisëse dhe investimeve të shtuara në rajonin e Ferizajt. Kryetari Aliu falënderoi Kryetarin e Komunës së Kaçanikut për vizitën duke u zotuar se Ferizaj është gjithmonë e gatshme të mbështesë Komunën e Kaçanikut në iniciativat e saja me qëllim rritjen e ndërveprimit mes komunave përkatëse.