Policia e Kosovës ka njoftuar se ka arrestuar një 51-vjeçar sot në rrugën “Reçaku” në Ferizaj, nën dyshimet se ka ushtruar dhunë në familje.
Ngjarja dyshohet të ketë ndodhur pas një mosmarrëveshje mes tij e vajzave dhe djalit, të cilëve u ka shkaktuar lëndime si pasojë e goditjeve.
Pasi Policia ka marrë informacionin, i dyshuari është arrestuar dhe ndaluar për 48 orë.
Komunikata e plotë e policisë
“Në lidhje me këtë policia menjëherë i ka marr veprimet e nevojshme, ka dalë në vendin e ngjarjes dhe ka arrestuar personin me inicialet M.G (M/K) i moshës 51 vjeçar, i cili pas një mosmarrëveshje që kishte, iu shkakton lëndime trupore, djalit me inicialet E.G (M/K) i moshës 24 vjeçar dhe dy vajzave të tij me inicialet A.G ( F/K) e moshës 23 vjeçare dhe E.G (F/K) e moshës 21 vjeçare, të cilët më pas për ndihmë mjekësore janë dërguar në Qendrën Emergjente nê Ferizaj.
Policia të dyshuarin e ka shoqëruar në stacionin e policisë në Ferizaj dhe pas intervistimit nga policët hetues, në prani edhe të avokatit mbrojtës, me vendim të Prokurorit kujdestar nga Prokuroria Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa rasti është cilësuar ” Dhunë në familje dhe lëndim trupor”.”
