Qendra kryesore e mjekësisë familjare në Ferizaj, të premten ka përfituar edhe një donacion të ri, por kësaj radhe nga “Emerlad hotel”.
Në këtë kontingjent përfshihen mbulesa, çarçafë, këllëfë jastëkësh dhe rroba të banjës për nevojat e pacientëve në QKMF, në Repartin e Gjinekologjisë të Spitalit Rajonal dhe në Qendrën Integruese të pacientëve me sëmundje mendore.
Në pranimin e këtij donacioni ishte i pranishëm edhe drejtori i Drejtorisë së Shëndetësisë dhe Mirëqenies Sociale, dr. Burim Karameta me ç’rast ka falënderuar pronarin e këtij hoteli Ibrahim Bucaliun për donacionin e dhuruar.
“Nga ky kontingjent do t’i mbulojmë tri institucione shumë të nevojshëm për qytetin e Ferizajt, ku meritën kryesore për pranimin e këtij donaconi dhe për lobimin në pranimin e donacioneve të tjera është drejtoresha dr. Ibadete Bucaliu”, ka thënë drejtori Karameta.
Nga ana tjetër edhe drejtoresha e QKMF-së, dr. Ibadete Bucaliu, ka falënderuar drejtuesit e hotelit, duke theksuar se QKMF në Ferizaj, ka pasur nevoja të shumta për këtë donacion.
Zeqir Zharjani, punëtor i hotelit “Emerald” u shpreh se bashkëpunimi me QKMF – në do të vazhdojë më tutje dhe donacione të tilla do të ketë edhe në të ardhmen.
