Trajneri i Barcelonës, Luis Enrique ka thënë se është ai i cili është përgjegjës për dështimin e klubit në Champions League.
Katalonasit u mposhtën 2:0 nga Atletico Madrid në Vincente Calderon me dy gola të Griezamann, edhe fitorja e arritur në rrethin e parë prej 2:1 në Camp Nou u shkri nga skuadra e Simeone.
“Unë jam 99.0% fajtor për eliminimin në Champions. Jo, bëjeni atë 100%. Unë jam trajner dhe unë jam përgjegjës”, ka thënë Enrique para medieve.
Barcelona në pesë ndeshjet e fundit në të gjitha garat ka vetëm një fitore, dhe tash janë vetëm tre pikë para Atleticos në La Liga, transmeton Klan Kosova.
