Të drejtat e grave në bashkëpronësi do të jetë tema e edicionit të sivjetëm të Muralfestit.Kështu është thënë sot në n jë debat, në të cilin është potencuar se aspektet që lidhen me barazinë gjinore nuk duhet lënë vetëm ligjeve por edhe aktiviteteve tjera sensibilizuese që në thelb kanë ngritjen e nivelit të vetëdijës për respektimin e kësaj të drejte.Në këtë kontekst e ka parë Muralfestin edhe drejtoresha e këtij festivali, Lebibe Topalli -Shabani, e cila ndër tjerash ka thënë se Muralfesti përmes këtij projekti do t’i promovoi të drejtat pronësore të grave në komunat e rajonit të Ferizajt, zonat rurale dhe urbane duke shfrytëzuar format dhe metodologjitë alternative që përfshinë përdorimin e artit për realizimin qëllimit të këtij proejkti.
Edhe panelistët tjerë kanë folur për domosdoshmërinë e respektimit të kësaj të drejte.Madje, komunën e Ferizajt e kanë vlerësuar si më të suksesshmën në avansimin e të drejtës në pronë. Deputetja e Kuvendit të Kosovës, Mexhide Mjaku-Topalli, ka thënë se institucionet duhet të krijojnë lehtësira me qëllim të stimulimit të kësaj të drejte, teksa ka paraqitur edhe statistika se si qëndron gjendja në komunën e Ferizajt sa i përketë respektimit të kësaj të drejte.Me këtë rast ka falendneruar artsitët që po kontribojnë në avansimin e kësaj të drejte.
Në anën tjetër edhe nënkryetari i komunës së Ferizajt, Naim Ferati, ka shtuar se ka përparime në këtë fushë, duke përmendur legjislacionin në fuqi që e adreson drejt këtë çështje, teksa ka apeluar tek femrat që pa ngurrim ta realizojnë këtë të drejtë.
Pjesa tjetër e këtij takimi është zhvilluar në formë debati, me ç’rast pjesmarrësit kanë adresuar aspekte nga kjo problemtaikë duke marrë për bazë përvojat e tyre.
Muralfesti është një aktivitet tradicional i përvitshëm që zhvillohet në komunën e Ferizajt, i cili për bazë merr tema të ndryshem nga aktualiteti i shoqërisë sonë.
