Ferizaj.05.01.2018. Lajmërohen studentët e Universitetit të Shkencave të Aplikuara në Ferizaj (UShAF), Viti i tretë, të cilët janë pjesë e Universitetit të Prishtinës (UP), se në bazë të konkursit të shpallur nga UP për ndarjen e bursave universitare, për vitin akademik 2017-2018 nga data 05.01.2018 deri me 18.01.2018 mund të aplikojnë për ndarjen e bursës.
Studentët të cilët duan të aplikojnë për bursë, duhet t’i plotësojnë kriteret si në vijim:
- Të jetë student i rregullt në Universitetin e Shkencave të Aplikuara në Ferizaj;
- Të jetë student i vitit të tretë;
- Të mos ketë vit të përsëritur të studimeve;
- T’i ketë të dhëna të gjitha provimet e vitit paraprak të studimeve në afatin e shtatorit të vitit akademik 2016/17;
- Të ketë notë mesatare të studimeve më së paku 8:00.
Dokumentacioni i nevojshëm për aplikim:
- Kërkesa për ndarjen e bursës;
- Flëtëparaqitja për konkurrim për ndarjen e bursës;
- Pasqyrën e notave;
- Vërtetimin për regjistrimin e vitit akademik 2017/18;
- Vërtetim për kryerjen e të gjitha provimeve të vitit paraprap.
Të gjitha dokumentet e nevojshme, studentët mund t’i nxjerrin te Zyra e Shërbimit të Studentëve.
