Në shënimin e kësaj ditë morën pjesë, drejtues të pushtetit lokal të Ferizajt, përfaqësues të Kuvendit të Kosovës, familjarë të dëshmorëve, mësimdhënës dhe prindër.
Në hapjen e manifestimit me rastin e kësaj ditë, drejtoresha e kësaj shkolle, Fatushe Azemi ka folur për jetën dhe veprën e dëshmorit Vezir Jashari që me krenari e mban kjo shkollë. Ajo tutje theksoi se shkolla fillore “Vezir Jashari” është njëra ndër shkollat më të mëdha në qytetin e Ferizajt, dhe mësimi në këtë shkollë zhvillohet në dy ndërresa.
Ndërkaq, nënkryetari i Komunës së Ferizajt, Xhavit Zariqi, ka thënë se në arsimin e gjeneratave të reja kontribut të madh po japin që të gjithë vetëm e vetëm që të kemi rezultate të lakmueshme.
Të pranishmëve me një fjalë rasti i është drejtuar edhe deputeti i Parlamentit të Republikës së Kosovës, Nait Hasani.
Me këtë rast është shfaqur një program i pasur kulturo-artistik i përgatitur nga nxënësit dhe mësimdhënësit e kësaj shkolle. U bë e ditur se shkolla “Vezir Jashari”, ka rreth 800 nxënës.
