Ferizajn e bëri krenar lajmi se e reja e qytetit tonë, e shpallur sportisja më e mirë e Komunës sonë dhe Federatës së Karatesë së Kosovës më 2018, karateistja Behije Mustafa fitoi Medaljen e Bronztë në Kampionatin Europian që po mbahet për kadetë, juniorë dhe U21 në Tampere të Finlandës.
Pas katër fitoreve radhazi, karateistja ferizajase fitoi medaljen e bronztë, historike kjo për Ferizajn e sportin tonë në përgjithësi. Ajo përveç prindërve të saj, klubit ku përket “Fituesi”, na bëri krenarë të gjithëve për sukseset e ngjitjen e saj në majat e karatesë botërore.
