Nënkalimi në Nikadin pritet që së shpejti të jetë i gatshëm dhe të lëshohet në shfrytëzim nga qytetarët.
Gjatë ditës së sotme i pari i Ferizajt, Agim Aliu ka përcjellë punët në këtëë nënkalim ku ka filluar asfaltimi i këtij nënkalimi.
“Të jep ndjesi të veçantë të shohësh zhvillimin e përditshëm të qytetit e fshatrave, me standarde kaherë të kërkuara të punës. Edhe Nikadinit po i shtojmë një vepër madhore të infrastrukturës, përmes nënkalimit, që sa i jep hijeshi e funksionalitet asaj pjese, po kaq i jep siguri e qarkullim të lehtë gjithë frekuentuesve e banorëve të kësaj zone. Sot, nisi asfaltimi i nënkalimit në Nikadin, për t’u kompletuar tërësisht, së shpejti” ka shkruar Aliu.
Ky është nënkalimi i katërt i ndërtuar nga Qeveria Aliu, i cili gjatë mandatit katërvjeçar , në kuadër të projektit “Bashkimi i Qytetit” ku nënkalimi kryesorë ishte një nga projektet më të mëdha të realizuara ndonjëherë në historinë e Ferizajt.
