Përveç këngëtares Dua Lipa në festivalin e muzikës “Sunny Hill” do të performojë edhe këngëtari tjetër shqiptar, Albert Stanaj.
Këtë e ka bërë të ditur vet këngëtari përmes rrjeteve sociale, ku ka publikuar një fotografi.
“Hej Dua Lipa, nuk më pritet që të të bashkohem në Kosovë në festivalin e muzikës ‘Sunny Hill’. I emocionuar që të performoj për herë të parë në Kosovë. Detaje të tjera së shpejti, shihemi”, ka shkruar Stanaj.
Ata do të performojnë në Prishtinë më 10 gusht kurse për Stanaj kjo do të jetë performanca e parë në Kosovë./Indeksonline/
